शुक्रवार, असोज ७, २०७३
काठमाडौंः बार्सिलोनाका पूर्व खेलाडी सेस फाब्रिगासले अर्जेन्टिनी कप्तान लियोनल मेसीका लागि स्पेनिस क्लब बार्सिलोना नै विश्वकै उत्कृष्ट क्लब भएको बताएका छन्।
इंग्लिस क्लब चेल्सीका मिडफिल्डर फाब्रिगासले मेसीजस्तो खेलाडीका लागि बार्सिलोनाभन्दा अन्य कुनै क्लब उत्कृष्ट हुन नसक्ने दाबी समेत गरेका छन्। उनले भनेका छन्,‘मेसीका लागि बार्सिलोना नै उत्कृष्ट क्लब हो। यसमा कुनै शंका छैन।’
बार्सिलोनाबाट चेल्सी गएका फाब्रिगास र मेसी बार्सिलोनाबाट तीन सिजनसँगै खेलेका थिए। फाब्रिगासले भनेका छन्,‘मलाई लाग्छ मेसीको हेरचाह गर्न सक्ने विश्वकै एकमात्र क्लब बार्सिलोना हो। उनीहरुले नै सधै उसको हेरचाह गर्नेछन्। बार्सिलोना नै मेसीका लागि उत्कृष्ट क्लब हो।’
मेसी विश्वकै उत्कृष्ट खेलाडी रहेकोमा कुनै शंका नरहेको पनि फाब्रिगासले बताए।
Source :- http://www.annapurnapost.com/
Post a Comment